КъурӀана Академе йола таронаш
ХӀанз болх бе йиш йола торонаш
КъурӀана Академи оттаераш тайп-тайпара дешара механизмаш хьае уйла йолаш ба. ХӀара механизм, ший оттамга хьежача, къаьстта проект санна я. ХӀанз укх сахьате юххьанца проект хьае дӀадолалуш мара дац тхо. Иштта дале а, оаха кийчъяьча дуккхача тайп-тайпарча кечалаша болх мишта бу хьажа таро я шун.
КъурӀан дешар
Деза КъурӀан деша эггара аттагӀа йола кечал хьае гӀерташ къахьегаш да тхо. Тахан шун аьттув ба, тха мазадаькъе мара цхьаннахьа кхы йоацача таронех пайда эца.
- МугӀара кӀал даьча дешай таржам . КъурӀана чудоагӀача хӀарача деша таржамага хьажа аьттув ба шун шоаншта аттагӀа болча меттала. Таханарча дийнахьа КъурӀана эрсий меттала дола таржам дукха хӀама ца эшаш кийча да. Тха мазадаькъе ингалсий меттала таржам даь КъурӀан да, иштта таржамаш деш латт башкирий, таджикий, гӀажарой, туркий меттала.
- Дуккха тафсираш. ВорхӀнена юкъера кертерчарех цаӀ дола Ӏарбий меттала КъурӀана тафсир хьаделла аьттув ба шун, иштта эрсий меттала дола массанена довза аль-Мунтахаба а, Ас-СаӀада а яздаь тафсираш а. Иштта тха новкъостий къахьегаш ба Ибн-Касира яздаь тафсира таржам тха мазадаькъе хургдолаш.
- Тайп-тайпарча бесашца таджвида бокъонаш белгалъяхар КъурӀан нийса деша сихагӀа Ӏомалургдолаш, таджвида бокъонех пайда эца аьттув ба шун. ГӀоаролг нийса моллагӀча бесаца белгалдаьча цхьан алапа дӀатӀайихьача, гучайоал уж бокъонаш.
- КъурӀанаца дувзаденна тайп-тайпара керда хӀамаш. Къаьст-къаьста КъурӀана аят, сурат, руб, хьизб, джуз деша аьттув ба шун. Иштта вӀалла ца соцаш дешача хьале хургдолаш, хьалсага аьттув ба шун.
Ӏарбий мотти таджвиди Ӏомаду курсаш
Интерактивни дешара курсаш хьаеш къахьегаш да тхо. Цу юкъе видео-лекцеши, шоана ховр гучадоаккхаш йола хаттарех латта тесташи йоагӀа. Иштта курс чакхъяькхачул тӀехьагӀа, эггара тӀеххьара мастер-тест чакхъяьккхар геттара пайдане хургда шоана.
Дагахьа Ӏомадар
Ер дакъа КъурӀана дошлоргах тара да, амма укхаза кечалашца болх бергба оаш. Цар керттера декхар да, оаш ма хулла сихагӀа КъурӀана аяташ дагахьа Ӏомадергдолаш гӀо дар.
ХӀанз укх сахьате дагахьа Ӏомаде тӀакхоачилга дола кечалаш:
- Аят чакхдаккха. Даьсса мугӀараш дита аят лу шоана. Ӏочуязданза дита дешаш доаггӀача нийса хургдолаш Ӏочуязде деза шун.
- ЛадийгӀе, дешаш Ӏочуязде. Аятага ладувгӀа аьттув ба шун. Цул тӀехьагӀа цу аята чудоагӀа дешаш нийса доагӀ-доагӀача Ӏочуязде деза шун.
- Таржамага хьежжа дешаш дӀанийсде. Даьсса мугӀараш лу шоана. Шун декхар да таржамага хьежжа, аята дешаш доаггӀача мугӀарашка Ӏочуоттадар.