Приложение Академии Корана для Android
Оттае
X
Проектах лаьца
Радио
Чувала / чуяла
ДIаязвалар
КъурIана Академе моллагIча даржан тIара дIадоладенна, Деза КъурIани Iарбий мотти Iомаде таро я шун. Укх дунен тIа дуккха эзарзза эзар саг КъурIан Iомадеш ва. Iомаде оаш а, кхыболчарна дIахьеха шоашта ховр!
КъурIан дешар
Даьшха
КъурIан дагахьа Iомадар
Даьшха
Интерактивни урокаш
Даьшха
КъурIан Оnline деша
МугIарашта кIалгIолла даь дешай ма дарра таржам. ХIанз шун аьттув ба КъурIана хIарача деша таржамга шоашта аттагIболча меттала хьажа а деша а. Ма дарра долча таржамо КъурIана аятий маIан кхетадар аттачадоаккхаргда шоана, иштта Iарбий мотт Iомабе а новкъостал дергда.
КъурIанага онлайн ладувгIа. ХIанз шун таро я лакхача боараме ладувгIа а Iарбий меттала КъурIана дешар чудилла а, эрсий, ингалсий иштта кхыдолча меттала дола таржамаш чудахка а. ТIакхоачилга да 50 совгIа КъурIан дешарашта: Мишари Рашид аль-Афаси, Хусари, Абдуль-Басит, Ясир аль-Дуссари, Айман Сувейд иштта кх.дI.а
Дешаш белгалдар а таджвида бокъонаш сийрдаяхар а. Дешачо дIаоала дешаш белгалдеш, оаха пайда эц хIанзарча заман технологех. Цу кечало КъурIана дешаш нийса дIаала Iомадала новкъостал дергда шоана. Иштта таджвида бокъонашца доагIача идгIам, мадд иштта кх.дI. дагадохийтарех пайда эца. Белгалдаьча алапашта гIоаралг дIатIайихьача, пайда ийца бокъо бIаргаго таро хургья шун.
Таханарча дийнахьа тха мазадакъе долаш да 50 совгIа ас-Саади, ибн-Касира, Джалалейна КъурJана а тафсирий таржамаш, Iарбий, эрсий иштта кхыдолча меттала таржамаш. Царех цхьадараш духхьал тха мазадаькъе мара дац. КъурIана навигацех пайда эца, медински мусхьафе эшшача моттиге дIатIадовлар духьа, дезаш дола аят, сурат, оагIув е джуз хьахоржаргдолаш.
ДIадоладе
КъурIан дагахьа Iомаде
Дагахьа Iомадара а тахкара говзаме йолча кечалаша лоаццача юкъа КъурIан дагахьа Iомаде таро хулийтаргья. Уж кечалаш мегаш я боккхийчарна а берашта а. Иштта уж атта юкъейоалае йиш я хьафизаш кечбеш а.
Дошлорго гIо дергда шоана аятий доашхамий маIан дикагIа кхетаде а иштта сихагIа дагахьа КъурIана сураташ Iомаде а. Цу кечалах пайда эца керда дешаш Iомадеш. КъурIана деррига дешаш Iомадаь даьлча, хIаьта уж 1500 совгIа дош да, Iарбий мотт кхетабе а из паргIата бувца а могаргда шоана.
Шоай дегIаахар зе, хьалха Iомадаь аяташ кердадаха, кердадараш Iомаде доладе. Мастер-теста новкъосталца дагахьа Iомадаь КъурIана аяташ шоашта мишта хов хьажа. Нагахьа санна шоаш шек дале, тестий эмуляцех пайда эца. Системо шун мела моттигаш белгалйоахаргья, хIаьта гIалаташ лоархIаргдац.
ДIадоладе
Интерактивни урокашка гIолла КъурIан Iомаде
Интерактивни дешара курсаш. Мазадакъе йола лекцеш 5-7 минотах йолча видео-роликех латташ я. Iомаде шоай аьттув болча хана. ХIанз моллагIа чоалхане тема кхетае дукхагIа аттагIа хургда.
Тестироване система а тIатеха материалаш а. Урокаш яьнначул тIехьагIа, юкъера тесташи мастер тесташи чакхъяьха, шоаш Iомадаьчун мах бе. Шпаргалкаши чудилара материалаши оаш Iомаяь темаш дIачIоагIъе новкъостал дергда шоана.
Дешарца дегIааахар. Лекцей оттамо урокаш вIаши тIехь-тIехьа дIаяхьар кхетаде новкъостал дергда шоана. Шоаш тIеххьара сайцачара дIадолале. Проактивни системо бокъо лац роликаш хьалха дIалиста а е царга ладувгIа а, цудухьа массахана темана уйла дIатIаяхийта аьттув ба шун.
ДIадоладе
ТIатеха пайданедараш

Iомабе Iарбий мотт

Iарбий мотт Iомабара эрсий меттала яздаь литература чIоагIа кIезига да. Цудухьа КъурIана Академе Iарбий мотт Iомабар геттара дика соцам ба. Дешар Iарбий алапата тIара дIадолалу. Оаха кийчъеш латт Iарбий мотт Iомабеш гаьнабаьнначарна лаьрхIа урокаш а, иштта хьалхара база йолчарна лаьрхIа КъурIана Iарбий текст а. Iарбий мотт Iомабе беза Iарбашкахьа каст-каста наькъа ухачар е цигахьа ваха дIаваха лаьрхIачо.

Шоай ховрий лагIа белгалдар духьа тест чакхъяьккха, моллагIча лагIан тIара Iомадар дIадоладе

Оаш дешар дIадоладу хIанз шоаш долча даржан тIара: ер программа юххьанца дIаболалучарна а, иштта дуккхача хана Iарбий мотт а, КъурIан Iомадечарна а лаьрхIа я. Из деррига - МАХБОАЦАШ да!

78% сага дуккхача шерашка КъурIан Iомадешше а, цхьа джуз тIехьа дагахьа хIана хац? ХIаьта 22% саго 8-ча уроке хIана Iомаду из?

Пайдане методаш юкъе йоалаяро материал дуккха сихагIа кхетаяйт. Тайп-тайпара хоам дIатIакхахьара кепаши, иштта хIара сага къаьстта теркам беш хиларои дешар сакъердаме ду, шоана ховш долча, дагалаттача хIаманца дешар нийсду. Юххера шоана гуш хул шоай вIаштIехьдаьнна хIама.

Видео-урокашка гIолла КъурIан кхетадар - эггара лоацагIа никъ ба

КъурIан ховш болчар кийчъяьча, аудио, видео, иштта кхыйолча материалий, къаьстта ший тайпара йолча тептарче шоана езаш йолча темах материал харжа вIаштIехьа да шун. Шоашта ховш долча, дагалаттача, сакъердаме долча хIамашка хьежжа, къаьстта хIарача сага лаьрхIа хьехам хьаэца. Интерактивни тренировкаш шозза аттагIа материал кхетае новкъостал ду.

Уйла-нигат шоайдар санна долчарца гlулакх леладе

Iарбий мотт бувцаш 240 миллион гаргга саг ва. КъурIана хьафизашца, дийшача нахаца, дешара тIакхувш болчарца, иштта Iарбий мотт бувцача наха юкъе хилча, сихагIа Iомалу шо. Дешаш сихагIа Iомадарал совгIа, уж нийсагIа хьаала Iомалургда шо. Iарбий мотт ховча тоабанца шо хиларо Iомадаьр дIачIоагIде а кхы а дикагIа ха а новкъостал дергда шоана.

Кердача дешара технологех пайда эца

Дуккха йолча говзамеча кечалаша сиха керда хоам хьатIаэца а дешар чакхдаккха а новкъостал ду. Берашта, воккхачунна, мекъачунна, экспресс-курс, кIоарга курс - массанена лаьрхIа автоматизированни тесташ я. Цар грамматика Iомаергйолаш, мотт нийса бувцаргболаш, иштта Iилманца дола дараш тахка гIо ду.

Академи массанена

Хьехархой тIакхоачилга да дешара кечалашта

Говзаме йолча методикашеи кечалашеи хIара студента (дешархочун) толамашка хьажа таро хулийт, иштта долчча бесса малагIча дисциплинах цунна новкъостал эш хьахьокх. Дешара таблица, тайп-тайпара тесташ, электронни дневникаш - цу дерригане дикка ха совйоаккх, хIана аьлча дешархоша Iомадаьр кара тахка дезац.

Даьнеи, наннеи - берашта лаьрхIа онлайн-урокаш

КъурIан Iомаде зIамига долча хана денз дIадоладе - бераш, шоашта дIаденна хIама сихха дIалаьце, цу сахьате шоаш Iомадаьча хIамах пайда эца долалу. Дешарца толам баьккхар cовгIаташца (мейдилг, рейтинг иштта кх.) белгалвоаккхаш система оттаяьй Академе. Цу гIулакхо берашта кхы а дикагIа деша бахьан лу. Шоай бераша даьхача толамашка хьежа таро я шун.

Iилма доаржадечарна а тIахьехачарна а

Iилмах шийца кхо хIама хилча мара Iилма хилац: хьехархо, дешархо, дешархочун дешархо. КъурIана Академе шоаш дешарал, Iомадарал совгIа, шоашта ховр кхычарна Iомаде, дIадала аьттув ба шун, иштта шоаш леладеш долча хIаман тIехьа боккъонца вола эксперт хила йиш я.

Академе тхьовре
37740
Пайдаэцараш
385
Видео-урокаши материалаши
748
Статьяш
3507
Академе балхара денош
37740
Пайдаэцараш
385
Видео-урокаши материалаши
748
Статьяш
3507
Академе балхара денош