Оаха лерхIар - шуга кхачийта гIо дар
Эггара дезагIа дола Даьлагара совгIат
 
Академех лаьца
Интернете дешар ди денгара мел доал, дукхагIа даржаш латт, хIана аьлча къоначар еррига шоай мукъа ха интернете багIаш йоаккх. Дешара технологешта юкъедоаладаь керда хIамаш, иштта ха еза хиларо онлайн-дешар кхы а дукхагIа эшаш а атта тIакхоачилга долаш а ду. Тахан интернете Iарбий мотти КъурIан Iомадарахи лаьца дика книжкаш хьаэца а, иштта аудио, видео лекцешка ладувгIа аьттув ба. ХIаьта дешар из хьехархочуннеи студентаи юкъера бола бувзам ба, студенто фу кхетадаьд, фу кхетадаьдац, мишта кхетадаьд, нийса кхетадаьдий хар... КъурIана Академи - белггала, дунен-юкъара онлайн дешара проект я, укхаза дешара керда технологешца Iарбий мотти КъурIани Iомаде аьттув ба шун. Проекта кхыча доакъашхошца, КъурIани Iарбий мотти ховш болчарца, дешара тIакхувш болча студенташца гIулакх леладарах, царца бувзам лоаттабарах Деза КъурIан кхетаде а, Iомадаьр атта дагалаца а вIаштIехьдоал.
Iилма доаржадеш а тIахьехаш а болча хьехархоштеи, даьштеи, ноаноштеи лаьрхIа
Хьехархошта лаьрхIа чIоагIа атта, пайдане дешара система кийчъяьй оаха, хIара дешархочо мишта деш тIахьажа йиш хургйолаш, нийсача дешара наькъагахьа дIахьожавергволаш. Оаха кийчъяьча дешара кечалашца дуккха ха кхоергья оаш. Цул совгIа КъурIана хьафизаша шоана кийчъяь йоккха тептарче я . Иштта даьнеи наннеи лаьрхIа дуккха онлайн-урокаш Академе кийчъяьй тайп-тайпара ха яьннача берашта. Боккха маьл хургба, Далла мутIахьа долаш бераш кхедаьча даьнеи наннеи. Бераш зIамига долча хана денз Iомаде деза, керда хIама хьатIаэца уж кийча долча хана. Ди кхайкабечар, боаржабечар, шоаш дешарал совгIа, кхыбараш Iомабарал совгIа, Академе бокъонца бола эксперташ хила аьттув ба.
Тоабах лаьца
КъурIана Академи - из йоккха, дунен халкъашта юкъера проект я, цудухьа тхона чIоагIа лоархIаме да моллаг1а новкъостал. Тхо - дунен тIа мел долча халкъех вIашагIкхийтта тоаба я. Мазадакъа статьяшца хьалдизар, тайп-тайпарча меттала таржам дар, интернете Академи дIайовзитар, программировани, верстка, дизайн, кхыдола, шо дика кхеташ дола белхаш - из массадола хIама шуга хьежаш да. Укх проекта новкъостал дича, боарам боаца маьл хул шоана, хIана аьлча шун новкъосталца дерригача дунен тIа эзарзза эзар нахапайда бола Iилма хьаэц. Цул совгIа, тхоца болх беш оаш шоашта пайда эцаргба, иштта цIихеза нах бовзаргба.
ТIехьарча хана Iарбий мотт укх дунен тIа эггара дукхагIа баьржача пхе метта юъе боагIаш ба. Из мотт бувцаш 240 миллион совгIа саг ва, хIаьта из мотт бувцараш хIара дийнахьа кхы а дукхагIа хулаш латт. Цул совгIа, Iарбий мотт тамашийна хоза ба, лоацца хIама ала йиш йолаш, цунца цхьана кхетабе атта мотт ба. Эрсий меттала бIарчча предложенеца ала дезар Iарбий меттала шин дешаца оалалу. Меттигерча маьждигашка Iарбий мотт мах боацаш Iомабе аьттув ба. Цига бусулба наха Iарбий меттала урокаш тел. Нагахьа санна дина чIоагIа тIакхувш шо деце, амма Iарбий мотт Iомабе безам болаш дале, КъурIана Академе из Iомабе аьттув ба шун. Iарбий мотт юххьанца Iомабе дIаболалучарна лаьрхIа - из Iарбий алапат Iомадари, таджвида бокъонашка хьежжа оазаш хьаалари да. Юкъера дарж - дешаши грамматикеи Iомадар, хIаьта лакхера дарж - деша а таржам де а хар. КъурIана чухь болча тайпара Iарбий метта массайта урока ялале, КъурIана сураташ деша, цар маIан кхетаде Iомалургда шо.