01
X
Академия Корана
КъурIана Академе моллагIча даржан тIара дIадоладенна, Деза КъурIани Iарбий мотти Iомаде таро я шун. Укх дунен тIа дуккха эзарзза эзар саг КъурIан Iомадеш ва. Iомаде оаш а, кхыболчарна дIахьеха шоашта ховр!
ТIатеха пайданедараш
78% сага дуккхача шерашка КъурIан Iомадешше а, цхьа джуз тIехьа дагахьа хIана хац? ХIаьта 22% саго 8-ча уроке хIана Iомаду из?
Пайдане методаш юкъе йоалаяро материал дуккха сихагIа кхетаяйт. Тайп-тайпара хоам дIатIакхахьара кепаши, иштта хIара сага къаьстта теркам беш хиларои дешар сакъердаме ду, шоана ховш долча, дагалаттача хIаманца дешар нийсду. Юххера шоана гуш хул шоай вIаштIехьдаьнна хIама.
Iарбий мотт Iомабара эрсий меттала яздаь литература чIоагIа кIезига да. Цудухьа КъурIана Академе Iарбий мотт Iомабар геттара дика соцам ба. Дешар Iарбий алапата тIара дIадолалу. Оаха кийчъеш латт Iарбий мотт Iомабеш гаьнабаьнначарна лаьрхIа урокаш а, иштта хьалхара база йолчарна лаьрхIа КъурIана Iарбий текст а. Iарбий мотт Iомабе беза Iарбашкахьа каст-каста наькъа ухачар е цигахьа ваха дIаваха лаьрхIачо.
Оаш дешар дIадоладу хIанз шоаш долча даржан тIара: ер программа юххьанца дIаболалучарна а, иштта дуккхача хана Iарбий мотт а, КъурIан Iомадечарна а лаьрхIа я. Из деррига - МАХБОАЦАШ да!
КъурIан ховш болчар кийчъяьча, аудио, видео, иштта кхыйолча материалий, къаьстта ший тайпара йолча тептарче шоана езаш йолча темах материал харжа вIаштIехьа да шун. Шоашта ховш долча, дагалаттача, сакъердаме долча хIамашка хьежжа, къаьстта хIарача сага лаьрхIа хьехам хьаэца. Интерактивни тренировкаш шозза аттагIа материал кхетае новкъостал ду.
Iарбий мотт бувцаш 240 миллион гаргга саг ва. КъурIана хьафизашца, дийшача нахаца, дешара тIакхувш болчарца, иштта Iарбий мотт бувцача наха юкъе хилча, сихагIа Iомалу шо. Дешаш сихагIа Iомадарал совгIа, уж нийсагIа хьаала Iомалургда шо. Iарбий мотт ховча тоабанца шо хиларо Iомадаьр дIачIоагIде а кхы а дикагIа ха а новкъостал дергда шоана.
Дуккха йолча говзамеча кечалаша сиха керда хоам хьатIаэца а дешар чакхдаккха а новкъостал ду. Берашта, воккхачунна, мекъачунна, экспресс-курс, кIоарга курс - массанена лаьрхIа автоматизированни тесташ я. Цар грамматика Iомаергйолаш, мотт нийса бувцаргболаш, иштта Iилманца дола дараш тахка гIо ду.
Академи массанена
Говзаме йолча методикашеи кечалашеи хIара студента (дешархочун) толамашка хьажа таро хулийт, иштта долчча бесса малагIча дисциплинах цунна новкъостал эш хьахьокх. Дешара таблица, тайп-тайпара тесташ, электронни дневникаш - цу дерригане дикка ха совйоаккх, хIана аьлча дешархоша Iомадаьр кара тахка дезац.
КъурIан Iомаде зIамига долча хана денз дIадоладе - бераш, шоашта дIаденна хIама сихха дIалаьце, цу сахьате шоаш Iомадаьча хIамах пайда эца долалу. Дешарца толам баьккхар cовгIаташца (мейдилг, рейтинг иштта кх.) белгалвоаккхаш система оттаяьй Академе. Цу гIулакхо берашта кхы а дикагIа деша бахьан лу. Шоай бераша даьхача толамашка хьежа таро я шун.
Iилмах шийца кхо хIама хилча мара Iилма хилац: хьехархо, дешархо, дешархочун дешархо. КъурIана Академе шоаш дешарал, Iомадарал совгIа, шоашта ховр кхычарна Iомаде, дIадала аьттув ба шун, иштта шоаш леладеш долча хIаман тIехьа боккъонца вола эксперт хила йиш я.