01
X
Академия Корана
КъурӀана Академе моллагӀча даржан тӀара дӀадоладенна, Деза КъурӀани Ӏарбий мотти Ӏомаде таро я шун. Укх дунен тӀа дуккха эзарзза эзар саг КъурӀан Ӏомадеш ва. Ӏомаде оаш а, кхыболчарна дӀахьеха шоашта ховр!
ТӀатеха пайданедараш
78% сага дуккхача шерашка КъурӀан Ӏомадешше а, цхьа джуз тӀехьа дагахьа хӀана хац? ХӀаьта 22% саго 8-ча уроке хӀана Ӏомаду из?
Пайдане методаш юкъе йоалаяро материал дуккха сихагӀа кхетаяйт. Тайп-тайпара хоам дӀатӀакхахьара кепаши, иштта хӀара сага къаьстта теркам беш хиларои дешар сакъердаме ду, шоана ховш долча, дагалаттача хӀаманца дешар нийсду. Юххера шоана гуш хул шоай вӀаштӀехьдаьнна хӀама.
Ӏарбий мотт Ӏомабара эрсий меттала яздаь литература чӀоагӀа кӀезига да. Цудухьа КъурӀана Академе Ӏарбий мотт Ӏомабар геттара дика соцам ба. Дешар Ӏарбий алапата тӀара дӀадолалу. Оаха кийчъеш латт Ӏарбий мотт Ӏомабеш гаьнабаьнначарна лаьрхӀа урокаш а, иштта хьалхара база йолчарна лаьрхӀа КъурӀана Ӏарбий текст а. Ӏарбий мотт Ӏомабе беза Ӏарбашкахьа каст-каста наькъа ухачар е цигахьа ваха дӀаваха лаьрхӀачо.
Оаш дешар дӀадоладу хӀанз шоаш долча даржан тӀара: ер программа юххьанца дӀаболалучарна а, иштта дуккхача хана Ӏарбий мотт а, КъурӀан Ӏомадечарна а лаьрхӀа я. Из деррига - МАХБОАЦАШ да!
КъурӀан ховш болчар кийчъяьча, аудио, видео, иштта кхыйолча материалий, къаьстта ший тайпара йолча тептарче шоана езаш йолча темах материал харжа вӀаштӀехьа да шун. Шоашта ховш долча, дагалаттача, сакъердаме долча хӀамашка хьежжа, къаьстта хӀарача сага лаьрхӀа хьехам хьаэца. Интерактивни тренировкаш шозза аттагӀа материал кхетае новкъостал ду.
Ӏарбий мотт бувцаш 240 миллион гаргга саг ва. КъурӀана хьафизашца, дийшача нахаца, дешара тӀакхувш болчарца, иштта Ӏарбий мотт бувцача наха юкъе хилча, сихагӀа Ӏомалу шо. Дешаш сихагӀа Ӏомадарал совгӀа, уж нийсагӀа хьаала Ӏомалургда шо. Ӏарбий мотт ховча тоабанца шо хиларо Ӏомадаьр дӀачӀоагӀде а кхы а дикагӀа ха а новкъостал дергда шоана.
Дуккха йолча говзамеча кечалаша сиха керда хоам хьатӀаэца а дешар чакхдаккха а новкъостал ду. Берашта, воккхачунна, мекъачунна, экспресс-курс, кӀоарга курс - массанена лаьрхӀа автоматизированни тесташ я. Цар грамматика Ӏомаергйолаш, мотт нийса бувцаргболаш, иштта Ӏилманца дола дараш тахка гӀо ду.
Академи массанена
Говзаме йолча методикашеи кечалашеи хӀара студента (дешархочун) толамашка хьажа таро хулийт, иштта долчча бесса малагӀча дисциплинах цунна новкъостал эш хьахьокх. Дешара таблица, тайп-тайпара тесташ, электронни дневникаш - цу дерригане дикка ха совйоаккх, хӀана аьлча дешархоша Ӏомадаьр кара тахка дезац.
КъурӀан Ӏомаде зӀамига долча хана денз дӀадоладе - бераш, шоашта дӀаденна хӀама сихха дӀалаьце, цу сахьате шоаш Ӏомадаьча хӀамах пайда эца долалу. Дешарца толам баьккхар cовгӀаташца (мейдилг, рейтинг иштта кх.) белгалвоаккхаш система оттаяьй Академе. Цу гӀулакхо берашта кхы а дикагӀа деша бахьан лу. Шоай бераша даьхача толамашка хьежа таро я шун.
Ӏилмах шийца кхо хӀама хилча мара Ӏилма хилац: хьехархо, дешархо, дешархочун дешархо. КъурӀана Академе шоаш дешарал, Ӏомадарал совгӀа, шоашта ховр кхычарна Ӏомаде, дӀадала аьттув ба шун, иштта шоаш леладеш долча хӀаман тӀехьа боккъонца вола эксперт хила йиш я.