Вай вахарца хула цхьадола лоархIаме хIамаш дагадохийта вай. Мишта кийчлу вай царга? Теркал ца деш Iа вай уж, е лаьрххIа кийчо ю? Вай хьеж цу хIамашка, кийчо ю. Цу хIамаел дуккха лоархIамегIа да вайна Везача АллахIа ше къаьстта белгалдаьха деноши бетташи. Мархий бутт - из шера дикагIбола бутт ба. Цу бетта Далла къахетам баьчарех хила тарлу шо. Цу бетта вай дикача оагIорахьа хувцадала йиш я, во оамалаш дIайоахаш, дикаяраш тIаэца. Из КъурIана бутт ба, Везача АллахIа Iибадат ду бутт. ХIаьта вайна ма харра, аьттув иштта атта луш бац. ДукхагIйолча хана из Даьлагара дехарах, Цо вайна гIо дергдолаш дуIаш дарах хулаш ба. ХьатIабоагIа Мархий бутт къаьстта ший тайпара хилийта вай.