Мадд - из мукъа оаз шин хьаракаца йIаьхъяр да.

Мадда дIаьхдар хьаракаца дола ши алап дIаоалаш эшаш дола дIаьхдар санна хул.

Иштта: بَا = بَ بَ

Алап Алиф мадда хул, нагахьа санна цун лакхе тIа цхьаккха хьарак ца латте, тIаккха цун хьалха латта алап фатхьа хьаракаца дале.

Хьажа масалашка:

تَا مَا غَا فَا

Хаттар: белгалде укх дешашка Алиф алап мадда санна лелий?

أَمَرَ Укх дешаца Алиф алап мадда дац, хIана аьлча цун лакхе тIа фатхьа хьаракаца дола хьамза латт, иштта из деша хьалха латт.

قَالَ Алиф алапа тIа цхьаккха хьарак дац, цун хьалха доагIа алап фатхьа хьаракаца да. Цудухьа Алиф - мадда алап да.

كُلُواْ

Алиф алапа тIа герга хьарак латт, укхузара из мадда алап дац.

عِنَبًا

Алифа хьалха доагIа алап фатхьа хьаракаца дац. Алиф алапа тIа цхьаккха хьарак ца латте а, укх дешаца из мадда алап дац.

ضَرَبَا Укхуза Алиф - алап мадда да.

Дагалацалаш, алап мадда цIаккха деша хьалхара алап хилац. Ма дарра аьлча Iарбий метта дош цIаккха а мадда алапа тIара долалац.